Мали шишенца со 5 милилитри масло од смил се продаваат за 74 долари. 

Се работи за производ кој е направен од билки набрани во БиХ. Маслото од смил е вистински хит во странство, а Американците за него се подготвени да платат по неколку илјади долари. 

Најголемата мрежа за тргување Амазон нуди масло од смил по нешто поевтина цена. 

Но, и тоа е скапо затоа што се плаќаат 187 долари за 30 милилитри. 

Купувачите на сајтот оставиле коментари дека им се допаѓа маслото, дека има пријатен мирис и привлечно пакување. Повеќето планираат пак да го нарачаат. 

Стручњаците тврдат дека ова масло е поквалитетно од она од Прованса. 

Оваа година во БиХ смилот се продава за 3 марки, цена која е двојно помала од лани и која ги разочара произведувачите.