Најмногу барани на македонскиот пазар на труд во моментов според официјалните информации на Агенцијата за вработување се информатичарите, програмерите, економистите.

Во листата најбарани, а која Факултети.мк ја доби од АВРМ се и  правниците, сметководители, систем адманистратори, развивачи на софтвер, инженери на софтвер, графички дизајнери, инженер за организацја на производство, градежен инженер, машински инженер, електроинженер, архитект, фармацевтски технолог, инженер-технолог за фармацевтски производи, машински технолог за одржување на процесна опрема, маркетинг агент, агроном за полјоделство.

Кои услови треба да ги исполните за да бидете потенцијален кандидат за вработување?

Од агенцијата за вработување, покрај дипломата за завршено високо образование велат дека работодавачите бараат и други вештини.

Посебен акцент, работодавците ставале на потребата од познавањето на странски јазици, (англиски, германски, италијански), познавање на основни компјутерски апликации (MS Office, Auto Cad),како и стекнати напредни знаења и вештини од областа на информациската технологија (Server administrator, CISCO, Java programmer, Oracle).

Услов која требада го исполните е и да имате сертификати за стекнатите знаења, а други вештини кои треба да ги имате за полесно да ја добиете работата е добра комуникација, тимска работа, флексибилност, организациски спосбности, презентациски спосбности, лидерски способности, способност за донесување на одлуки, професионалност и одговорност и други вештини - велат од АВРМ за факултети.мк.