Професорскиот пленум безрезервно ги поддржува членовите на СОНК, охрабрувајќи ги да продолжат со штрајкот сѐ до исполнување на нивните барања. Професорскиот пленум денеска со соопштение ги повика и своите членови да се приклучат кон штрајкот што СОНК ги закажа за оваа недела. „Правото на штрајк е уставно загарантирано во Македонија и никој нема право да го спречува, посебно не носителите на јавни функции и претставниците на власта. Затоа, исклучително важно за демократскиот амбиент во државата е членовите на СОНК да бидат јавно поддржани од сите граѓани да истраат во нивната битка за остварување на зацртаните цели и подобрување на условите во кои работат просветните и културните работници“, се вели во соопштението од Професорскиот пленум.