Професорите и студентите го повикаа претседателот на државата Ѓорге Иванов да ја искористи својата положба и да даде „Вето“ со цел да се стопира постапката, за да се даде шанса во следните три месеци да се отвори дискусија и јавна депата по однос на предлог – Законот за измени во високото образование. Ова е напишано во писмото што професорскиот и студентскиот пленум денес им го испратија на пратениците кои на дневен ред го разгледуваат предлог законот за измени во високото образование. Писмото е потпишано од повеќе од 300 универзитетски професори од македонија кои поддршка добија и од 80 нивни колеги од светот. Нивното писмо е испратено и до првите луѓе за образование во Европската унија. Повлекување на предлог законот за високо образование деновиве официјално побараа и ректорските управи на двата најстари универзитети Скопскиот и Битолскиот. Претходно професорите и студентите одржаа и отворен пленум пред домот на демократијата со цел уште еднаш да покажат дека ваквите одлуки треба да се носат врз база на здрави нозе со квалитетна дебата и согласност од сите инволвирани во дадената ситуација. „Стоиме тука како претставници на храмот на науката, храмот на знаењето – универзитетот. Ние професорите и нашите студенти стоиме пред храмот на демократијата. Фактот дека стоиме под отворено небо во вакви временски услови покажува дека двата храма до овој момент не најдоа начин за пристоен дијалог и низ конструктивен дијалог и сослушување на сите засегнати страни да дојдеме до заеднички решенија на високото образование. Ние сме свесни за сите проблеми, но баравме да не сослушаат“, рече професорката Билјана Ванковска.