За да заработувате добро во Германија, треба да имате завршено за доктор, правник или инженер, покажуваат резултатите за моменталната состојба на платите за професионалците и менаџерите. Истражувањето покажало дека докторите во просек заработуваат 77.950 евра бруто годишно. Правниците заработуваат „само“ 65.040 евра. IT професионалците и инженерите просечно заработуваат нешто повеќе од 59.000 годишно. По сектори, најдобро платени се работниците во банкарството (62.541 евра), фармацијата (59.990 евра) и индустријата за возила (59.727 евра). Високообразованите во оваа земја заработуваат 35% повеќе отколку оние без факултет. Вработените во помалите компании пак , заработуваат речиси 10 проценти помалку од оние кои работат во поголеми компании. Министерството за економија неодамна информира дека во Германија до 2020 година ќе недостасуваат 1.3 милиони работници.