„Не може да се избегне фактот дека во Општина Центар има вработено административци кои имаат искуство во својата работа од над 10, 15 или 20 години и кои се искусни во својата работа, а со своите потези Жерновски ги потценува и лично нив“, рече Лазаров кој додаде дека се вработува во оптината во време кога Жерновски се жали дека нема средства да ги реализира основните проекти. Нововработените, појасни координаторот од ВМРО ДПМНЕ се членови на ЛДП и СДСМ. Според Лазаров, на овој начин пшарите наместо да се користат за ново училиште во Капишштец, ветено пред избори, сега ќе отидат за вработувања.

„Во минатиот мандат градоначалникот  Тодоровиќ  ја зголеми бројката за 70 вработени, односно од 65 на 135. И тоа на блиски роднини и партиски луѓе. Во општината се примало се, замислете и двајца нуркачи. Има вработени, заслужни партиски кадри кои само фигурирале на платниот список, а не се појавувале на работа", стои во реакцијата. Жерновски вели дека нема да го зголеми бројот на вработени во општинската администрација двојно повеќе како претходникот. На обвинувањата за пренасочување средства за нови вработувања наместо за ветените училишта, Жерновски вели дека повторно се манипулира со граѓаните. „За градинката во Капиштец, е изработен проект и се чека уште на ревизија за да почнат градежните активности. За училиштето, пак, првин треба ќе се изработи идејно решение, кое ќе биде избрано на меѓународен конкурс од страна на комисија, и потоа ќе започнат работите за изградба. Не очекува сигурно никој за еден месец да биде изградено училиштето. За разлика од ВМРО-ДПМНЕ, ние ќе го направиме она што го ветивме. Во нивната програма беше изградба на градинка и училиште, но за четири години не го реализираа", стои во реакцијата.