Државите наследнички на поранешната СФРЈ потпишаа договор во Њујорк за продажба на апартманот на Парк Авенија 730 за вкупно 12,1 милиони долари, а според информациите на „Експерс“, Македонија како поранешна федеративна членка, ќе добие 6 отсто, односно 726.000 евра.

Средствата од дуплекс-апартманот од околу 215 квадратни метри со шест-спални, четири бања ќе се поделат меѓу поранешните југословенски републики – Србија, Хрватска, Македонија , Босна, Словенија и Црна Гора. Резиденцијата што некогаш ја користеа југословенските амбасадори, како и поранешниот претседател Јосип Броз Тито на неговите патувања во Њујорк, е празен уште од 1992 година, кога замина последниот постојан претставник на СФРЈ во Обединетите нации. 

Во изминативе години Србија ги плаќала трошоците за одржување -по 15.500 долари месечно, поради што ќе добие речиси 40 проценти од цената што ја понудил непознат купувач.