Сестрата и братот на Захир Бекири -Чаушот осомничен за тајната работилница за фалсификување документи, денеска се приведени. И двајцата се осомничени за фалсификување на документи.  Месец дена по обелоденувањето на аферата, со која се откри дека на две тајни локации се изработувале повеќе десетици илјади фалсификувани лични карти, Обвинителството информира дека е откриена е тајна работилница. Обвинителство тврдеше дека при претресот дома кај Бекири се пронајдени  опрема за фалсификување, преси, секачи, обрасци за патни исправи, лични карти и друго. „Станува збор за обемен материјал, опрема и апаратура која се користела за изработка на фалсификуваните лични карти и други документи. Пронајдениот материјал е одземен и е предмет на натамошна анализа и истражување“-велат од  Обвинителството. Од Министерството за внатрешни работи информираат  дека првично биле приведени три лица за кои постои сомневање дека фалсификувале лични исправи, меѓу кои и Бекири. Ниту еден од приведените не е задржан во притвор, освен третото лице кое е испратено на дослужување на стара казна затвор.