Шеснаесетмина осомничени во акцијата „Шпион“ добија мерка притвор во траење од 30 дена, а на еден од приведените, истражниот судија, му одреди домашен притвор поради неговата здравствена состојба. На тројцата осомничени кои не и се достапни на македонската полиција, им е одреден притвор во отсуство и по нив е распишана потерница. Седумнаесеттемината осомничени кривично ќе одговараат за злосторничко здружување, за шпионажа и за уцена. Судот донел одлука, истражниот процес да се одвива зад затворени врати поради доверливоста на дел од материјалите во предметот. Денешен „Дневник“ пишува дека учесниците во аферата Шпион соработувале со грчката и унгарската разузнавачка служба. Претпоставка е дека лица од унгарската служба купените информации за состојбите во македонската држава им ги препродавале на други заинтересирани служби.