Помош пристигнува од сите страни, а доставени се првите 20 подвижни куќички во Глина, пишуваат хрватските медиуми. 

Досега се обезбедени повеќе од 80 подвижни куќички за семејствата погодени од земјотресот во округот Сисак-Мославина како дел од координирана акција на Министерството за туризам и спорт, Хрватскиот туристички одбор и Хрватското здружение за кампување, соопшти хрватското Министерство за туризам и спорт.

Подвижните куќички се донирани од многу компании, и се состојат од две соби за четири лица, имаат опремени кујни со маса, тоалет и туш. Во следните неколку дена треба да пристигнат вкупно над 84 подвижни куќички за сместување на повеќе од 500 луѓе.

Жителите пак на хрватското гратче Петриња уште еден ден поминаа под отворено небо и во своите автомобили, откако катастрофалниот земјотрес од 6.2 степени ги остави без нивните домови.

Слабите земјотреси не запираат во ова подрачје.