Објавен е правилник за формата и содржината на месечниот извештај за износот на бруто надоместокот утврден во договорот за дело, авторскиoт договор или друг договор, исплатениот нето надоместок и пресметаните придонеси. Месечниот извештај за износот на бруто надоместокот утврден во договорот за дело, авторскиот договор или друг договор, исплатениот нето надоместок и пресметаниот придонес за задолжително пензиско и инвалидско осигурување и пресметаниот придонес за задолжително здравствено осигурување ќе се поднесува во електронска форма на образец „МИ-Д/ИН”, Формата и содржината се дадени во Прилогот кој е составен дел на Правилникот. КОЈ ИМА ОБВРСКА ЗА ПОДНЕСУВАЊЕ НА ОБРАЗЕЦОТ? Согласно образецот Правните лица – исплатувачи на надоместок по основ на договор за дело и/или авторски договро со кој е определен надоместок за извршена работа КОЈ ВО НЕТО ИЗНОС Е ПОВИСОК ОД ИЗНОСОТ НА МИНИМАЛНА ПЛАТА УТВРДЕНА СО ЗАКОН, должни се до УЈП да доставуваат Месечен извештај (МИ-Д/ИН). Месечен извештај (МИ-Д/ИН) се изготвува за:

• Лицата за кои правното лице (исплатувач на надоместокот) е обврзник за пресметка и уплата на придонесите од задолжително социјално осигурување (доколку физичкото лице корисник на приходот има само еден договор во месецот); и

• Лицата кои се обврзници за уплата на придонесите од задолжително социјално осигурување сами за себе (доколку физичкото лице корисник на приходот има повеќе од еден договор во месецот).

РОК НА ДОСТАВУВАЊЕ Месечниот извештај се доставува најдоцна до 15-ти во месецот за предходниот месец, задолжително по електронски пат до УЈП. ШТО СОДРЖИ ИЗВЕШТАЈОТ? Месечен извештај (МИ-Д/ИН) содржи:

1. ПОДАТОЦИ ЗА БРУТО НАДОМЕСТОКОТ УТВРДЕН ВО ДОГОВОРОТ (ПОДАТОЦИ ЗА СКЛУЧЕНИТЕ ДОГОВОРИ ВО МЕСЕЦОТ ЗА СЕКОЕ ФИЗИЧКО ЛИЦЕ ПОЕДИНЕЧНО):

• Матичен број на обврзникот,
• Име и презиме,
• Бруто надоместокот утврден во договорот за дело, авторскиот договор или друг договор,
• Реден број на договорот,
• Времетраење на договорот (од – до), и
• Нормирани трошоци (%) доколку се работи за авторски договор.

Податоците се пополниуваат само во месецот кога е склучен договорот. Доколку во следните месеци правното лице нема склучени нови договори, овај преглед не се пополнува. Се внесуваат податоци и за лицата за кои правното лице е обврзник за пресметка и уплата на придонесите, и за лицата кои сами за себе се обврзници за уплата на придонесите. За секој различен вид на договор: договор за дело, авторски договор или друг договор, се пополнува посебен преглед на податоци.

2. ПОДАТОЦИ ЗА ПРЕСМЕТАНИ ПРИДОНЕСИ И ЗА ИСПЛАТЕНИОТ НЕТО НАДОМЕСТОК

Се пополнуваат два прегледа:

• Сумарни податоци по видови на договори (договори за дело, авторски и други договори)

Се пополнуваа сумарни податоци за:

• Вид на договор,
• Број на обврзници (број на лица за кои се поднесува извештајот),
• Вкупен износ на пресметан ППИО,
• Вкупен износ на пресметан ПЗО,
• Вкупен износ на ИСПЛАТЕН НЕТО надоместок.

• Податоци по лице:

• Матичен број на обврзникот,
• Име и презиме,
• Износ на пресметан ППИО (доколку се работи за лице кое само за себе е обврзник за уплата на придонеси, НЕ се пополнува податокот во оваа колона)
• Износ на пресметан ПЗО (доколку се работи за лице кое само за себе е обврзник за уплата на придонеси, НЕ се пополнува податокот во оваа колона)
• Износ на ИСПЛАТЕН НЕТО надоместок (доколку во месецот за кој се поднесува извештајот правното лице нема исплатено надоместок, оваа колона НЕ се пополнува)
• Статус

1 – доколку правното лице е обврзник за уплата на придонесите, и 2 – доколку физичкото лице, само за себе е обврзник за уплата на придонесите. За секој различен вид на договор се пополнува посебен преглед на податоци по лице. Фактор и Нова Консалтинг, пријатели на Вашиот бизнис.