Европската Унија го одобри отворањето на поглавјето 22 од преговорите за членство на Турција кое се однесува на регионалната политика. Денеска, на средбата на Советот за заеднички прашања на ЕУ во Луксембург беше соопштено дека поглавјето ќе биде отворено на 5 ноември на меѓувладината конференција за членство на Турција во Унијата. пред неколку месеци беше донесено решение за отворање на ново поглавје во преговорите со Турција, но тоа беше одложено поради загриженоста околу однесувањето на турските власти кон антивладините демонстранти. Преговорите за членство на Турција во ЕУ започнаа во октомври 2005 година, но само едно поглавје досега е затворено.