„Грција нема пари за уште една изолација, не можеме повеќе да и помагаме на економијата со економски пакети. Ако наесен пристигне нов бран на пандемија, нашите финансии се готови“, рече драматично министерот за развој Адонис Георгијадис за сериозната загриженост на владата за можен нов бран на короната во септември.

„Повеќе нема да има т.н. хоризонтална изолација, но сите забранувачки мерки што ќе бидат донесени ќе важат за невакцинираните, кои повеќе нема да добиваат парична помош. Економијата и целото општество повеќе нема да одат во карантин поради оние што одбиваат да примат вакцина, што е достапна за сите“, предупреди вицепремиерот Акис Скерцу.

Така, од понеделник, 5 јули, вакцинираните со потврда продолжуваат да патуваат слободно на островите, додека за другите ќе биде потребен задолжителниот тест за PCR не постар од 72 часа, брзиот тест не постар од два дена или потврдата за прележан Ковид-19. Од 15 јули во угостителскиот сектор важат правилата за „чисти“ и „мешани“ ресторани и кафулиња, што е разочарувачки поради најавените мерки за поделба на клиентелата на вакцинирани и „други“. Вакцинираните ќе бидат послужени во „чистите“, а оние кои не биле вакцинирани, но со маска и брз тест, не постар од 48 часа, ќе можат да се „мешаат“. Мерката предизвика многу коментари, нема да биде лесна за спроведување, но не е единствената што се подготвува со цел да се заштитат вакцинираните, и го остави остатокот од нацијата да одлучи дали ќе биде исклучен од социјалниот живот доброволно.

Епидемиолошката слика се менува бидејќи бројот на заразени расте, тој е веќе близу 800 на ден, што е загрижувачки пораст бидејќи, на пример, во јуни бројот на пациенти се намали за 75 проценти, а смртните случаи за 50 проценти во споредба со претходните месеци Болеста главно ги погодува младите на возраст меѓу 18 и 34 години, но индексот на позитивност сè уште останува околу 1,2 проценти. Кризниот штаб смета дека причина за ова е опуштањето по седум месеци карантин, но и присуството на делта, кој досега е регистриран во 54 случаи, главно во Крит, Атина и Солун, но првите случаи биле регистрирани во Парос, Лезбос и Халкидики. Во август се очекува да има нови случаи на инфекција со делта-вирус, па епидемиолозите размислуваат за нови мерки за запирање на неконтролирано ширење.

Повеќе од 30 проценти од Грците досега примиле две дози вакцина, но откако започна туристичката сезона, процентот на вакцинирање ќе треба да биде многу поголем. Владата на Мицотакис избегнува директен притисок врз своите сонародници, но со мерките што ги носи, им станува јасно дека вакцинацијата е единствениот начин да се заштити. Младите луѓе на возраст од 18 до 25 години добија финансиски стимул од 150 евра, што доведе до двојно зголемување на бројот на новорегистрирани за вакцината. Од друга страна, мобилни тимови за вакцинација ќе бидат присутни на секој чекор овој месец ...

„Побаравме од секоја општина, пред се од оние далечни, мали заедници и на островите, да достави список на заинтересирани страни. Подготвуваме тимови за т.н. домашна вакцинација, односно лекари кои ќе дојдат во оддалечените области на прагот, во руралните средини, со лица со попреченост, со болни, а во контакт сме и со црквите “, вели министерот за здравство Василис Кикиjас и потенцира дека со цел да се вакцинираат младите луѓе - екипи се присутни дури и на плажите.