Пет активисти од „Шарената револуција“ ќе се најдат на пратеничките листа на СДСМ, дознава Телма од високи партиски функционери.

Разговорите се во тек, но засега ништо не е официјализирано. Еден од споменуваните Павле Богоевски вели дека тие се отворени за соработка со опозицијата, но  уште ништо конкретно не е ставено на маса ниту пак има договор за имињата на кандидатите.

Од СДСМ посочуваат дека нивната цел е да се создаде широк опозициски фронт за уривање на актуелната власт. Работите ќе станат појасни кон крајот на септември кога ќе го одржат партискиот конгрес. Тогаш ќе се соопштат и шесте кандидатски листи, нивните носители и кој се ќе учествува. И нивните противници од ВМРО­-ДПМНЕ велат дека подготвуваат промени на кандидатските листи и ќе има нови имиња.