Претседателот на МАНУ, Таки Фити бил на разговор кај јавната обвинителка во текот на вчерашниот ден, информира Телма.

Според неговиот адвокат Стеван Павлевски, во случајот на Таки Фити станува збор за исклучително низок степен на сомнение. Фити е меѓу тројцата професори за кои јавната обвинителка  претходно изјави дека имаат понизок степен на сомнение од  останатите петмина на кои пред неколку дена судија на претходна постапка им одреди мерки на претпазливост.

Шесттемина професори, демонстраторот и сопственикот на бифето на Економскиот факултет се осомничени во рамки на акцијата „Еразмус“, за кривични дела примање поткуп, примање награда за противзаконито влијание и давање поткуп.

Се товарат дека од студенти барале од 500 до 1.000 евра поткуп  за да им напишат преодни оценки.