Кривичниот суд во Скопје денеска треба да ја донесе пресудата против ексминистерот за внатрешни работи Љубе Бошкоски во случајот „Ровер“, за кој претходно тој веќе беше осуден на 12-годишна затворска казна. Апелацискиот суд ја укина ваквата пресуда и предметот го врати на повторно судење. Пресудата беше укината со образложение ле направени пропусти во првостепената постапка. Во случајот „Ровер“ за убиство на Марјан Тушевски и Киро Јанев првостепена пресуда беше изречена против десетина лица, меѓу кои и Бошкоски, кој беше осуден за помагање. На повтореното судење Бошкоски отворено го изразуваше револтот против судечкиот совет и бараше изземање на судијата Илија Трпков. Неколкупати беше отстранет од судницата поради недолично однесување.