За само шест месеци од почетокот на годинава, во Македонија се случиле 1.716 сообраќајни несреќи, во кои 71 лице го загубило животот, а 2.687 биле повредени. Бројот на сообраќајни несреќи и жртви е нешто помал во споредба со истиот период минатата година. Од извршената анализа може да се заклучи дека во првите шест месеци од годинава најголем број на сообраќајни незгоди со потешки последици се случиле на подрачје на СВР Скопје. Најчеста причина поради кои се случиле сообраќајните незгоди е прекршокот „управување со возилото со брзина поголема од дозволената“, а најзагрозена категорија на учесници во сообраќајот се возачите и сопатници во моторни возила. Гледано по подрачја, 44% од сообраќајните незгоди се случиле на подрачјето на СВР Скопје-758 незгоди, потоа следи СВР Битола со 184, СВР Тетово-158 незгоди, на подрачјата на СВР Штип и СВР Куманово по 134 незгода, СВР Велес-128, на подрачјата на СВР Струмица-112, а најмалку на подрачје на СВР Охрид-108 незгоди. По месеци, најмногу незгоди се случиле во мај -314, потоа во април -299, а најмал број на сообраќајни незгоди се случиле во февруари -251. По часови, најмногу незгоди се случиле во времето од 14,00 до 16,00 часот-245 незгоди, а најмал број незгоди се случиле во времето од 02,00 до 04,00 часот- 47 незгоди. Поради грешки на возачите се случиле 1.622 незгоди со настрадани лица, што претставува 94% од вкупниот број на незгоди, во кои загинале 68 лица, а 2.578 се повредени, најчесто поради управување со возилото со брзина поголема од дозволената-689, потоа поради недржење страна и правец на движење-522 поради непочитување на правилата за првенство на минување-495 и во помал број поради други причини. На планот на сузбивање на сообраќајната деликвенција, од страна на Министерството за внатрешни работи, против прекршителите на сообраќајните правила и прописи превземени се вкупно 136.725 превентивно-репресивни мерки, што во споредба со истиот период од минатата година бележат зголемување за околу 10 %.

Преземени превентивно-репресивни мерки	I полугодие од 2014 година	I полугодие од 2013 година
Вкупно мерки	136.725	124.690
Барања за поведување на  прекршочна постапка	49.985	50.658
Наплатени парични глоби	5.176	3.611
Исклучени возила од сообраќај	9.326	9.186
Исклучени возачи од сообраќај	13.165	10.255
Времено одземени возачки дозволи	3.403	1.898
Извршени алкотестирања	32.993	28.291
Изречени опомени	14.990	14.233
Повикани на сообраќајна поука	3.001	1.706
Останати мерки	4.686	4.852

  Во анализираниот период, полициските службеници, покрај репресивните мерки, активностите ги насочија и во полето на превенцијата кои резултираа со зголемување на превентивните мерки, соопшти МВР.