Концептот што Владата сака да се спроведе не може да се реализира, затоа што сите факултети работат по разлини програми за кои се акредитирани. Екстерното се коси и со Болоњскиот процес, се нарушува автономијата на универзитетот. Универзитетите имаат автономно право и слобода да креираат сопствени програми кои се акредитирани од надлежно тело во Министерството за образование и наука. Прашувам - кој ќе го спроведе екстерно оценување. Го видов протестот на студентите, ваков протест со ваква масовност досега немало. Ова е голема масовност. Лично не верувам дека идејата за екстерно оценување е за добро на студентите. Високото образование не е задолжително, а секој студент избира на кој факултет ќе се запише, на подобро или полошо рангиран. Мислам дека владата ќе ја преиспита оваа идеја. Предраг Трпевски, универзитетски професор