Со пароли „Разбудете се балкански работници и работнички“, „Работници и студенти обединете се“ и „Стоп за приватизација на јавниот простор“, денеска граѓани излегоа на второмајски протест.

Присутните на протестот бараат заштита на правата и достоинството на работниците. Oд протестот се упатуваат повеќе барања, како нов Закон за работни односи, повлекување на измените во Законот за високо образование и на Законот за надворешни работи, нов Закон за медиуми и друго.

Протестот го организира Повелбата за солидарност на синдикатите и здруженијата за работнички права, а го поддржуваат  Синдикатот на македонската дипломатска служба (СМДС) , Синдикатот на работниците од управата, правосудните органи и здруженијата на граѓани (УПОЗ ), Самостојниот синдикат на новинарите и медиумските работници (ССНМ), Левичарското движење СОЛИДАРНОСТ, Движењето за социјална правда ЛЕНКА, Синдикатот на културата на Република Македонија (СКРМ), Мултиетничкиот синдикат на образование (МЕСО), Конфедерацијата на синдикалните организации на Македонија (КСОМ), Независниот академски синдикат (НАкС) и Младинската организација МУГРА.