Пратениците денеска ќе расправаат за измените на Законот за придонеси
На денешната седница на Собранието по скратена постапка ќе се расправа за Предлог законот за изменување и дополнување на Законот за придонеси од задолжително социјално осигурување.
Имено, овој предлог во саботата беше предложен од пратеничката група на ВМРО-ДПМНЕ која најави дека до Собаранието ќе достави предлог за изменување и дополнување на Законот за придонеси посочувајќи дека со истиот ќе се уважат дел од барањата на граѓаните за исплата на хонорари.
Пратеничката група на ВМРО-ДПМНЕ со овој предлог предвидува вработените и пензионерите да плаќаат придонеси само за месечни хонорари кои ја надминуваат просечната плата од 21.300 денари, додека за невработените лица да остане границата од 9.590 денари.
Слично
Поврзани вести
