Фитнес сала ќе добијат пратениците во реновираното македонско Собрание, по примерот на парламентите во повеќето европски земји. Салата ќе биде сместена во сутеренот од собраниската зграда, од десната страна и за неа веќе се набавуваат справи. Според проектот, секој пратеник во реновираната зграда ќе добие своја канцеларија. Изградени се и шест сали за седници на комисиите кои ќе бидат опремени со по две простории за преведувачите и соба за техника. Работите се во завршна фаза и до крајот на годината треба да заврши реконструкцијата и надградбата на Собранието, која чини повеќе од 11 милиони евра. ФОТО: МИА