Со поддршка од 58 пратеници Собранието на Република Македонија го донесе ребалансот на буџетот за 2013 година со кој дополнителни средства добија Фондот за пензиско и инвалидско осигурување и Министерството за образование и наука.

Опозициската СДСМ најави дека нема да гласа за предложениот ребаланс и дека нема да го поддржи.

На 3,9 е проширен дефицитот,  а финансирањето е од Буџетот. Со ребалансот нема да има кратење на реализацијата на капиталните инвестиции која првите осум месеци е 10 проценти повеќе од минатата година и се очекува до крајот на годината да се оствари.

Според вицепремиерот и министер за финансии Зоран Ставрески, Буџетот за 2013 година се реализираше како што е ветено. Во образложението, минатата недела, рече дека прецизно и навремено се исплаќаа обврските кон стопанството, граѓаните и кон сите оние кои треба да добијат средства од Буџетот.

Додека за опозицијата ребалансот на буџетот е донесен на недемократски начин, дека се носи за да се зголеми задолжувањето на државата од планираните 60 милиони на 160 милиони евра.

Собранието по предложниот ребаланс расправаше три дена.