Новите автопати што ги најавува Владата ќе чинат 630 милиони евра, според она што го најави денеска премиерот Зоран Заев како дел од инвестициоскиот план.

„Автопат Гостивар – Букојчани; Букојчани – Кичево; Струга - Ќафасан и Тетово – Гостивар, вредноста на проектот е 500 милиони евра согласно законот за стратешки инвестиции. Автопатот Битола – Прилеп, вредноста на проектот е 130 милиони евра, исто така со посебен закон во самиот парламент“, рече Заев денеска на прес-конференцијата.

Заев додаде дека вкупната вредност на Интервентниот план за инвестиции ИПИ 2021-2027 ќе изнесува повеќе од 8 милијарди евра, а најголем дел тоа ќе бидат приватни инвестиции или грант донации од ЕУ, концесии и јавни-приватни партнерства.