Претседателот на грчкиот парламент Никос Вуцис објави дека гласањето на Протоколот за прием на Македонија во НАТО ќе биде ставен на пленарна седница за гласање в петок во грчкиот законодавен дом.

Со тоа Грција ќе биде првата земја, како што се очекува, што ќе го одобри приемот на Македонија со новото уставно име во Алијансата, а потоа примерот треба да го следат и останатите 28 земји-членки.

Инаку Протоколот како документ ќе биде потпишан утре во седиштето на НАТО во Брисел во присуство на македонскиот министер за надворешни работи Никола Димитров и амбасадорите на земјите-членки во Алијансата, а на покана на генералниот секретар на овој пакт, Јенс Столтенберг.

Инаку, се очекува за протоколот во грчкиот парламент да се дебатира само еден ден пред специјално формираната комисија в четврток.