Пожарникар загина во поплава во Грција
Пожарникар загина во поплава во соседна Грција.
Тој загинал кога се упатил кон училиштето за да им помогне на учениците, и со возилото заглавил во надојдена вода. Смртта на 46-годишниот пожарникар ја потврдија и од Противпожарната служба на Грција.
Во невремето со обилен дожд што од синоќа го зафати регионот Еврос и предизвика поплави во градот Александрополи во североисточниот дел на Грција, денеска се спасени деца од градинка, како и ученици од основно училиште, јави дописничката на МИА од Атина.
Според грчката новинска агенција АНА-МПА во село во општина Александрополи, со помош на Противпожарната служба на Грција се пренесени на безбедна локација 21 дете и двајца вработени во детска градинка, како и 100 ученици и нивните наставници од основно училиште.
На стартот на оваа година Грција се соочи со снежно невреме, а лани во ноември имаше и невреме со поплави.
Слично
Поврзани вести
