Средбата на хрватските и словенечки експерти по прашањето за Љубљана банка, Здравко Рогиќ и Франц Архар е одложена поради здравствени проблеми на Архар, потврди вчера портпаролот на Министерството за надворешни работи и европски прашања. И словенечкото Министерство за надворешни работи потврди во соопштението испратено до Хина дека средбата беше одложена поради отсуство на словенечките експерти, а датумот за нова средба ќе биде објавен подоцна, пренесе Хина. Петтиот состанок на експертите за Љубљана банка прво беше закажан за 22 јануари, но беше одложен за една недела подоцна. За време на четвртата средба Архар и Рогиќ се состанаа во почетокот на декември во Загреб. Тие велат дека остануваат на позицијата за продолжување на преговорите со Банката за меѓународни порамнувања во Базел и ќе го пренесат на своите влади заклучокот дека се на добар пат до постигнување решение. Ако двете влади се согласуваат со начинот на решавање на проблемот со старите заштеди, предлозите ќе бидат објавени на следниот состанок. Рогиќ  рече дека е направена рекапитулација на проблемот и дојде до заклучок дека она што тие го направиле на последната средба во Блед,  концепт кој нуди решенија со мултилатерални и билатерални компоненти е добра насока. И Архар рече дека двете страни продолжуваат да бараат решение што ќе биде јасно за сите, што меѓу другото подразбира билатерално решение.