Македонските државјани кои беа полесно повредени во тешката сообраќајна несреќа во Малкара, Турција се враќаат дома со организиран автобуски превоз на агенцијата „Бога Транспорт“ со која и отпатуваа кон Истанбул. Во турските болници остануваат уште неколку потешко повредени патници од автобусот, меѓу кои и една жена чии нозе се ампутирани како резултат на силниот удар. МНР е во координација со турските власти и за враќање на телото на починатиот патник и се во контакт со неговото семејство. Возачот на автобусот од турските власти беше посочен како виновник за несреќата во која се судри со товарен камион и се наоѓа во притвор додека трае истрагата.