Уште не е усвоен ребалансот на буџетот па затоа и не може да се исплатат парите од повратот на ДДВ за прометот кој беше реализиран за Викенд без ДДВ односно на 10, 11 и 12 октомври. Од Управата за јавни приходи информирале за МИА дека месецов практично на сметките на граѓаните ќе легнат 500 милиони денари - од редовниот поврат за претходните три месеци и од викендот без ДДВ. За третото тримесечје повратот е 430 милиони денари, додека од Викендот без ДДВ нешто над 63 милиони денари. 

Владата очекуваше да врати како поврат на ДДВ од Викендот без ДДВ дури 17 милиони евра, а сега испадна дека ќе враќа само еден милион евра. Впрочем се покажа дека граѓаните немаа интерс за мерката и слабо купуваа македонски произоди и ИТ опрема во тие три дена.

Инаку во трето тримесечје во месеци јули, август и септември 2020  остварен е промет од  29,8 милијарди денари, од кои прометот од македонски производи изнесува 7,8 милијарди денари, а прометот од останати производи изнесува 21,9 милијарди денари.