Цените на нафтените деривати од ноќеска на полноќ се зголемуваа за половина денар, одлучи Регулаторната комисија за енергетика. Малопродажните цени на ЕУРОСУПЕР БС-95, ЕУРОСУПЕР БС-98, ЕУРОДИЗЕЛ (Д-Е V) и Екстралесно масло за домаќинство (ЕЛ-1) се зголемуваат за 0,50 ден/лит во однос на цените утврдени со Одлуката од 22.04.2014 година. Со тоа цената на ЕУРОСУПЕР БС-95 изнесува 80,00 ден/лит, цената на ЕУРОСУПЕР БС-98 изнесува 81,50 ден/лит, малопродажната цена на ЕУРОДИЗЕЛ (Д-Е V) изнесува 67,50ден/лит и цената на Екстра лесно масло за домаќинство (ЕЛ-1) изнесува 56,00 ден.лит. Малопродажната цена на мазутот М-1 НС се зголемува за 0,089 ден/кг, во однос на цената утврдена согласно Одлуката од 22.04.2014 година и со тоа цената на М-1 НС изнесува 39,710 ден/кг, одлучи Регулаторната комисија за енергетика. Просечната цена на сурова нафта на светскиот пазар во изминатиот 14-то дневен период изнесуваше 109,075 $/барел и е за 1,26% повисока од просечната цена на сурова нафта (107,719 $/барел) по која беа формирани тековните цени на нафтените деривати. Курсот на денарот во однос на доларот во изминатиот 14-то дневен период изнесуваше 44,4755 ден/$ и е за 0,36% понизок од курсот на доларот (44,6368 ден/$) по кој беа формирани цените, информираат регулаторите.