Со повеќе од 500 полицајци, властите во Србија го бараат Нинослав Јовановиќ кој ја киднапираше малата Моника Каримановиќ.

Полицијата е сконцентрирана во неговото родно место, селото Малчан кај Ниш.

Синоќа е пребарано селото Јасеновиќ, но тој не е пронајден. 

12- годишната Моника која пред два дена е спасена и успеала да побегне од Нинослав Јовановиќ, Нова Година ќе ја дочека во болница.

Девојчето исчезна на 20 декември на пат кон училиште. Откако е спасено е сместено на детското одделение во клиничкиот центар во Ниш. Обезбедувањето на клиниката и полицијата се грижат никој освен мајката и лекарите да немаат пристап до неа. Локалните медиуми пишуваат дека психофизичката состојба на девојчето е добра.

Јовановиќ кој е познат како „Берберот од Малчан“ затоа што своите жртви прво ги потстрижува, а потоа ги силува. Тој претходно бил во затвор за силување. 

Експертите веќе во 2005 година утврдија дека Јовановиќ,  не бил душевно болен, но имал психопатична структура на личноста.