Од првиот зејотрес вчера во 11:02 часот со интензитет од 5,2 степени според Рихтеровата скала до попладнево регистрирани се повеќе од 300 земјотреси со различна јачина.

„Регистрирани се над 300 земјотреси. Тие се со послаба магнитуда и пополека се редуцираат. Неослободената енергија ќе продолжи да се ослободува. Поаѓајќи од типологијата на овој земјотрес, мислам дека нема да има други земјотреси со висок интензитет. Дури и ако има потреси, мислам дека тие ќе бидат со помал интензитет“, изјави Рапо Ормени од Институтот за сеизмологија во Тирана.

Денес најсилниот земјотрес бил регистриран во 13:03 часот, со јачина од 3,5 степени според Рихтер, со епицентар на околу 12 километри од гратчето Вора кај Тирана.