Нина Ангеловска, министерката за финансии, на денешната прес-конференција информираше дека повеќе од 20.000 мејлови со приговори и забелешки биле испратени на еектронската пошта на Генералниот секретаријат на Владата, каде што може да се обрати секој граѓанин за кој не следува платежна картичка од кампањата „Купувај домаШно“ а за која смета дека треба да ја добие.

- Не се сите приговори, меѓу нив има и многу прашања. Формиран е веќе тим од луѓе во Генералниот секретаријат кои ги категоризираат одговорите согласно природата на пораката која што е пристигната. Има граѓани кои виделе дека се добитници, но прашуваат како да ја добијат, да ја активираат и да плаќаат, рече Ангеловска.

Министерката додаде дека граѓаните навремено ќе бидат информирани доколку нивните приговори бидат прифатени.