Министрите за внатрешни работи на Србија, Австрија, Унгарија и Македонија потпишаа денес во Охрид Меморандум за разбирање и соработка во областа на заштита на границите со кој е предвидено организирање на заеднички мешани патроли и истражни тимови на полиција на земјите потписнички.

Моморандумот предидува мешаните патроли да бидат распоредени на српско-унгарската граница, српско-македонската и македонско-грчката страна, а целта е преку зајакната контрола границите да ги сузбијат кривичните дела на криумчарење луѓе и илегално преминување на државните граници,се наведува во соопштението.

Ова е проблем на Европа, не само на земјите членки, туку на цела Европа која треба да покаже што се европски вредности, што е европски пат и тоа да не го заборави кога донесува различни мерки, порачаа другите министри.

Очкуваат конкретна финансиска помош, но и помош во други средства како поефикасно и похумано би ги  прифатиле овие луѓе.

По однос прашањето за реадмисија на бегалците од некои земји на ЕУ, беше истакнато дека Унијата треба да најде одговор на можеби најважното прашање, а тоа е фактот што ниту Србија ниту Македонија не се членки на ЕУ, а низ нивна територија минуваат лица кои доаѓаат од држава во Шенген-зоната и заминуваат во таква држава.