Побрзајте и до ноќеска на полноќ наполнете ги резервоарите со бензин и нафта. Регулаторна денеска ги соопшти новите цени кои бележат поскапување. Имено, според најновите податоци бензините поскапуваат за 0,50 денари, а дизелот за 2 денари. Тоа значи дека цената на ЕУРОСУПЕР БС-95 и на ЕУРОСУПЕР БС-98 бележат раст од 0,50 ден за литар. Од полноќ ЕУРОСУПЕР БС-95 ќе се точи за  58 денари, додека на ЕУРОСУПЕР БС-98 по цена од 60 денари за литар. ЕУРОДИЗЕЛ (Д-Е V) и Екстра лесното масло за домаќинство (ЕЛ-1) исто така бележат зголемување кај цените и тоа од 2,00 ден/лит во однос на цените утврдени со Одлуката од 25.01.2016 година. ЕУРОДИЗЕЛ (Д-Е V) ќе се точи по 41,00 ден/лит, додека малопродажната цена на Екстра лесното масло за домаќинство (ЕЛ-1) изнесува 29,50 ден/лит. Цената на мазутот пак  цената  изнесува 15,246 ден/кг.