Цените на бензините и дизелот се зголемуваат за еден денар, како и цената на екстра лесното масло за домаќинства за 1,5 денари, и на мазутот за 1,1 денари.

Согласно најновата одлука на Регулаторната комисија за енергетика, по полноќ малопродажните цени на бензините Еуросупер БС-95 и Еуросупер БС-98 и на Еуродизел (ДЕ V), од полноќ се зголемуваат за 1,00 денар по литар, соопшти денеска Регулаторната комисија за енергетика.

Новите цени ќе изнесуваат: 

Еуросупер БС-95 ќе биде 75,50 денари за литар

Еуросупер БС-98 ќе изнесува 77,50 денари за литар

Еуродизел (Д-Е V) ќе се продава за 68,50 денари за литар.

Малопродажната цена на Екстра лесното масло за домаќинство на (ЕЛ-1), се зголемува за 1,50 денари и ќе изнесува 68,50 денари за литар.

За 1,108 денари поскапува и Мазутот М-1 НС, и еден килограм ќе чини 42,780 денари.