Од ноќеска на полноќ поскапуваат нафтените деривати во Македонија, објави Регулаторната комисија за енергетика. Согласно одлуката, цената на Еуросупер од 95 октани се зголемува за 1,5 денари и ќе чини 80,50 денари за литар. Цената на Еуросуперот БС 98 се зголемува за 1 денар и ќе изнесува 82 денари за литар. Поскапува и евродизелот, и тоа за половина денар ќе се продава за 68 денари за литар. Повисока цена за 1 денар ќе има екстралесното масло за домаќинство и таа ќе изнесува 57 денари за литар. Мазутот поскапува за 1,144 денари и еден килограм ќе се продава за 41,636 денари.