Растот на цените на нафатата ги поскапе горивата во Македонија. Од ноќеска на полноќ поскапуваат и бензините и дизелот, соопшти Регулаторната комисија за енергетика и водни услуги. Со денешната одлука се зголемуваат малопродажните цени на нафтените деривати во просек за 2,22 отсто во однос на одлуката од 25 март. Така бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V), поскапуваат за денар и половина.

По новиот ценовник, малопродажната цена на ЕУРОСУПЕР БС-95 изнесува 83,5 денари за литар, малопродажната цена на ЕУРОСУПЕР БС-98 изнесува 85,5 денари за литар, додека литар ЕУРОДИЗЕЛ (Д-Е V) во малопродажба ќе се продава за 87,5 денари.

Цената на Екстра лесното масло за домаќинство (ЕЛ-1), се зголемува за 3 денари за литар, малопродажната цена на Мазутот М-1 НС, се зголемува за 1,140 денари за килограм и со тоа малопродажната цена на Екстра лесното масло за домаќинство (ЕЛ-1) изнесува 84 денари за литар додека на Мазутот 57,347 денари.