САД не дозволуваат на никого да ги види резервите на злато. Тие имаат милијарди во злато за кои гарантира трезорот, и со овие резерви не се тргува.

Американската влада располага со 8.133 тони злато во резерви од кои 58% наводно се чуваат во Кентаки, 20% во Њујорк, 16% во Денвер, Колорадо и 5% имаат Федералните резерви на САД.

„Целата приказна за резервите злато на САД е тајна. Никогаш немало некаква независна ревизија за нивните резерви на злато, а чуварите на тоа злато, како што е Федерални резерви, никогаш нема да дозволат некој да влезе во трезорите и да го преброи тоа злато, ако го има“- вели Ронан Манли, директор на компанија за тргување со благородни метали за „Russia Today“.

Но, и покрај обвинувањата за САД дека имаат многу помалку злато отколку што тврдат, има уште една причина за големата мистерија, вели експертот Манли: златото на САД е со лош квалитет.