Портпаролката на НАТО бара лицата кои фрлаа шок бомби кон ЕУЛЕКС да одговараат
КФОР е целосно спремен да го спроведе својот мандат во Косово.
Портпаролката на НАТО, Оана Лунгеску денеска се приклучи кон острите реакции на ЕУ и САД за нападот со шок бомби врз патрола на ЕУЛЕКС во селото Велико Рударе кој се случи вчера по поставувањето на блокади.
„Секој таков напад е неприфатлив и сторителите мора да одговараат“, напиша таа на социјалната мрежа Твитер.
Ги повика сите граѓани да избегнуваат провокативна реторика.Српскиот претседател Александар Вучиќ го свика Советот за безбедност и вечерва пак ќе се обрати во јавноста.
Србите бараат КФОР да спречи упад на косовските специјалци на северот на Косово.
Слично
Поврзани вести
