Расте трговската размена меѓу Кина и Русија. 

Кинеската трговска размена со Русија минатиот месец има значаен пораст, во услови кога официјален Пекинг отворено ги критикува санкциите што Запад ги воведе против Москва заради инвазијата врз Украина.

Податоците на кинеските царински служби покажуваат дека минатиот месец севкупната трговска размена со Русија се зголемила за 12,76 проценти на 11,67 милијарди долари. Споредбено со првиот квартал минатата година, тоа е пораст за над 30 отсто. Русија е главен извезувач на нафта, гас, јаглен и земјоделски производи во Кина. Откако Русија ја почна инвазијата на Украина, на 24 февруари, САД и ЕУ воведоа повеќе сетови на санкции.