Надворешниот бруто-долг во првиот квартал од 2016  година, изнесува 6,7 милијарди евра или 70,9% од домашниот бруто-производ (БДП).

Тоа  претставува пораст од 1,1 процентен поент од домашниот бруто-производ на квартална основа, објави Народна банка.

Надворешниот бруто-долг се зголемил за 1,8 процентни поени од домашниот бруто-производ споредено со истиот период лани, во услови на пораст на јавниот и на приватниот долг.

Кварталното поместување на бруто надворешниот долг главно се должи на понискиот приватен долг, а намалување е забележано и кај долгот на јавниот сектор. Понискиот приватен долг е последица на падот на долгот на небанкарскиот приватен сектор, главно поради отплата на акумулирани трговски кредити, понизок меѓукомпаниски долг и намалување на долгот на банките, претежно врз основа на валути и депозити и долгорочни заеми.

Сепак, показателите за надворешната задолженост на домашната економија и понатаму покажуваат дека надворешниот бруто-долг се наоѓа во „безбедната зона“.

Единствен показател според кој економијата се класифицира во групата на високо задолжени земји претставува учеството на бруто надворешниот долг во БДП, наведуваат од НБРМ.