Поради пандемијата 16.000 деца во Македонија се втурнати во сиромаштија
Во земјава 16.000 деца живеат под прагот на сиромаштија поради пандемијата на коронавирусот.
Со вакви податоци излезе канцеларијата на УНИЦЕФ во Скопје. Ова е состојбата со социјалните и економските ефекти на Ковид-19 врз децата во Македонија.Особени погодено е ромското население.
Патриција ди Џовани, претставник на УНИЦЕФ во Македонија изјави дека децата индиректно ја чувствуваат кризата предизвикана од пандемијата.
Тоа зависи од финансиската состојба, можностите и условите во кои живеат. Таа вели дека вирусот ја засилил детската сиромаштија во Македонија, при што 16.000 деца живеат под прагот на сиромаштија.
Зголемено е и семејното насилство, додаде Ди Џовани, при што десет отсто од жртвите се деца.
Џовани додаде и дека Ковид-19 ја одложил болничката грижа за мајките и новороденчињата.
Во светот 60 милиони луѓе се екстремно сиромашни поради пандемијата.
На планетата 10.000 деца месечно умираат од глад поради пандемијата.Со ваков податок излегоа од Обединетите нации.
Ова е резултат на ограничувањата наметнати како мерки против ширење на коронавирусот.
Слично
Поврзани вести
