Поради невремето „Филипос“ затворени се училиштата во Атина
Втор ден се затворени дел од училиштата во грчката престолнина Атина.
Невремето Филипос донесе ниски температури и снег во целата земја.
Основните и средните училишта во северниот, западниот и источниот дел на областа Атика, поширокиот регион на Атина и денеска, втор ден по ред се затворени, јави дописничката на МИА од Атина.
Одлуката е на префектот на областа Атика Јоргос Патулис. Oд синоќа вaжи мерката за забрана за сообраќај на тешки возила по 22 часот на еден дел од автопатот од Атина кон Ламија.
И кон крајот на јануари годинава, во Атина имаше снежно невреме кое го попречи нормалното функционирање на граѓаните. Тогаш исто така беа затворени училишта, а во октомври лани во Грција имаше невреме кое однесе и жртви.
Слично
Поврзани вести
