Поради дефект исклучена нуклеарката „Кршко“ во Словенија
Нуклеарната централа Кршко во Словенија, денеска автоматски е исклучена откако беше регистриран пад на притисок во генераторот на пареа и нема опасност од излевање радиоактивни материи, изјави Андреј Стритар, шеф на словенечката администрација за нуклеарна безбедност.
Тој прецизираше дека автоматското гаснење на централата уследило претпладнето и сите безбедносни системи правилно функционирале.
Во тек е истрага за тој дефект и „ситуацијата е под контрола“, наведе тој. Нуклеарката беше пуштена во работа во 1983 година.
Слично
Поврзани вести
