Поради најава за поларни температури, во Албанија следната недела три дена нема да има настава. 

Од понеделник до среда се затвораат сите училишта. 

„Во некои области ќе достигне и до-17 степени Целзиусови“, објави на Фејсбук министерката за образование, Евис Куши.

Вели дека  приоритет во секое време е здравјето и благосостојбата на децата. 

„Секако доколку прогнозите не се покажат точни, а температурите ќе бидат поприфатливи, ќе ја разгледаме оваа одлука и ќе бидеме во постојана комуникација со вас, бидејќи за нас процесот на учење е од приоритетно значење“, додава Куши.

Изгубените часови, објаснува таа, ќе бидат дополнети во договор со локалните канцеларии за образование, за што навремено ќе бидат информирани сите образовни институции.