Претставниците на четирите најголеми политички партии, потписнички на договорот од Пржино попладне ќе одржат нова средба во Пржино.

Тие ќе разговараат за прашања поврзани со избирачкиот список и за реформите во медиумите.

Се очекува на средбата да присуствуваат амбасадорите на ЕУ и на САД, Аиво Орав и Џес Бејли.

Според разговорите од вчера избори би можело има во ноември, но претходно треба да се провери дали се исполнети сите услови, а проверка ќе се направи во август. Досега има мал напредок за медиумите и списокот со гласачи.

Во Пржино вчера се разговарало и за специјално судско одделение и специјален оддел во Министерството за внатрешни работи за случаите Специјалното јавно обвинителство. Но, договор по ова прашање засега нема.

Помошник-државниот секретар на САД за европски и евроазиски прашања во Стејт департментот,  Викторија Нуланд вчера од Скопје си замина охрабрена дека има волја и дека брзо Македонија ќе излезе од политичката криза.

Претходно, германскиот пратеник Јоханес Хајндл рече дека излез од кризата мора да се најде пред летните одмори.