Од јануари до август годинава во Македонија влегле странски директни инвестиции во вредност од 176,48 милиони евра, покажаа податоците на Народната банка. Во споредба со истиот период лани, регистриран е пад од 11,5 милиони евра. Тогаш во првите осум месеци од годината беа регистрирани инвестиции во вредност од 187,98 милиони евра. Повисоко салдо во истиот мерен период е прокнижено и во 2011, додека 2012 и 2010 година има  скоро двојно пониско ниво на инвестиции. Владата нуди серија погодности за странските инвеститори во обид да ги привлече - субвенции за плати, придонеси, царински ослободувања, но се нуди и  можност да се стекнат инветситорите со државјанство ако вложат над 400 илјади евра и вработат 10 илјади лица. Премиерот и министрите директно им се обраќаат на инвеститорите и преку роуд шоу посети во странските земји, каде организираат бизнис форуми. Со последните законски измени, изготвени на барање на странските инвеститори, државата им нуди и можност да го откупат земјиштето и фабриките во слободните зони.