Се намалува бројот на вработени во индустријата. Корона кризата си го зема данокот. 

Во декември минатата година во однос на истиот месец во 2019 година бројот на вработени е помал за 4,2 отсто. Податоците на Државниот завод за статистика покажуваат дека во декември лани намалување на работниот кадар има во секторот рударство, преработувачката индустрија и во компаниите кои се занимаваат со дејноста снабдување со електрична енергија, гас, пареа и климатизација. Состојбата со бројот на вработени е речиси идентична и во периодот од јануари до декември лани, односно намалувањето на бројот на работници е за 4,6 отсто.

Се намалува и потрошувачката. Во трговијата на мало, во декември 2020 година, во споредба со декември 2019 година, намалување на прометот е забележан кај храната, пијалаците и тутунот номинално за 6,6 отсто, реално за 10 отсто, објави Државниот завод за статистика.