Со рекламна кампања вредна околу 500.000 евра Владата ќе ги подучува граѓаните „за значењето и потребата за консумирање здрава храна и избегнување храна со несоодветен квалитет по нивното здравје“. За повеќе од 177 илјади евра, агенцијата за продукција и снимање филмови „Аквариус дизајн“ ќе треба да ги осмисли телевизиските и радио спотовите. Агенцијата „Маркет висион“ пак, ќе го изработува логото, ПР стратегијата, веб банерите и флаерите што ќе ги гледаме по автобусите, влезовите, лифтовите Најмногу пари и се доделени на агенцијата „Њу момент њу идеас компани“, околу 232 илјади евра, за подготвување и реализација на медиа план, закуп на медиумски простор и внатрешно и надворешно рекламирање.