Полицијата истражува кој ја објави на каналот Јутјуб снимката со гатачката и поранешниот премиер, Никола Груевски.

Секторот за компјутерски криминал и јавното обвинителство отпочнале постапка за утврдување на идентитетот на корисникот кој  ги објавил аудио-снимките од разговорот меѓу Груевски и извесната „Кети“ гатачката за која во медиумите се појавија информации дека е вработена во Царинска управа.

Министерстовото за внатрешни работи бара Јутјуб да ги тргне снимките и да открие кој ги објавил. Снимките уште се на интернет и не се тргнати, а досега имаат над 150.000 прегледи.

Во снимките кои беа објавени се слуша како гатачката го советува Груевски за важни прашања и политички потези.